باش بەت>ساغلاملىق

سۆڭىكى سۇنغانلار ئاغرىق پەسەيتكۈچى دورىلارنى ئىچمەسلىكى كېرەك

يوللانغان ۋاقىت:2017-08-10 17:45:00 مەنبە:تەڭرىتاغ ئۇيغۇرچە تورى مۇھەررىر:قەيسەر داۋۇت


بەزى كىشىلەر سۆڭەك سۇنغاندىن كېيىن ئاغرىققا چىدىماي كۆپ مىقداردا ئاغرىق پەسەيتكۈچى دورىلارنى ئىچىدۇ. شىنجاڭ تېببىي ئۇنىۋېرسىتېتى قارىمىقىدىكى 1-دوختۇرخانا سۆڭەك كېسەللىكلىرى بۆلۈمىنىڭ كاندىدات مۇدىرى ۋىراچ چېن گاڭ بىر قىسىم ئاغرىق پەسەيتكۈچى ۋە سۆڭەكنىڭ ئۆسۈشىنى ئىلگىرى سۈرگۈچى دورىلارنىڭ سۇنۇقنىڭ تۇتۇشىغا پايدىسىز ئىكەنلىكى ھەققىدە توختىلىپ مۇنداق دېدى:

- ئاسپىرىن، ئىندومېتاتسىن، ۋولتارېن قاتارلىق ستېروئىدسىز ئاغرىق پەسەيتكۈچ دورىلار پروستاگلاندىننى تورمۇزلاش ئارقىلىق ئاغرىق توختىتىدۇ. بىراق پروستاگلاندىن تورمۇزلىنىش بىلەن بىر ۋاقىتتا سۇنۇق بار ئورۇندىكى قان تومۇرلارنى كېڭەيتىۋەتكەنلىكتىن، يەرلىك ئورۇندىكى قاننىڭ ئايلىنىشى ناچارلىشىپ، سۇنۇق ئوڭاي تۇتمايدۇ. ئۇنىڭدىن باشقا، سۆڭەك سۇنغان ئورۇن كۆپ مىقداردا كالتىسىي قويۇپ بېرىدۇ، شۇڭا كۆپىنچە بىمارلار سۆڭەك سۇنغاندىن كېيىن كالتىسىي تولۇقلايدۇ. ئەمەلىيەتتە، سۆڭەك سۇنغاندىن كېيىن كالتىسىينى زىيادە تولۇقلىغاندا بۆرەكنىڭ يۈكى ئېغىرلاپ، سۈيدۈك ئاجرىتىش سىستېمىسىدا تاش پەيدا قىلىدۇ. سۆڭەك سۇنغاندىن كېيىن، ھورمۇن تۈرىدىكى دورىلارنى ئىستېمال قىلماسلىق كېرەك.

(«شىنجاڭ قانۇنچىلىق گېزىتى»دىن)