باش بەت>مەدەنىيەت

«ساماۋى ھىد» ناملىق رومان نەشردىن چىقتى

يوللانغان ۋاقىت:2016-11-25 13:31:00 مەنبە:جۇڭگو قەشقەر تورى مۇھەررىر:زۇلخۇمار تۇردى

 

ئىختىيارىي مۇخبىرىمىز تاھىرجان ئاتاۋۇللا خەۋىرى: «قەشقەر گېزىتى» ئىدارىسى مەخسۇس بەتلەر بۆلۈمىنىڭ مۇئاۋىن مۇدىرى، ئىقتىدارلىق ياش ئەدەبىي تەرجىمان ئابدۇراخمان ئوسمان تەرجىمە قىلغان «ساماۋى ھىد» ناملىق ئىككى قىسىملىق رومان يېقىندا قەشقەر ئۇيغۇر نەشرىياتى تەرىپىدىن نەشىر قىلىنىپ ئوقۇرمەنلەر بىلەن يۈز كۆرۈشتى.

بۇ، ئابدۇراخمان ئوسماننىڭ «مانگرۇزارلىقتا» (نوبىل مۇكاپاتى ساھىبى مويەننىڭ رومانى)، «تۈزلەڭلىكتىكى ئوق ئاۋازى»... قاتارلىق ئون نەچچە تەرجىمە كىتابىدىن كېيىن، خەلقىمىزگە سۇنغان ئىككى يىللىق جاپالىق ئەجرىنىڭ مېۋىسىدۇر.

«ساماۋى ھىد» فۇدەن ئۇنىۋېرسىتېتى جۇڭگو تىل-ئەدەبىياتى فاكۇلتېتىنىڭ پىروفېسسورى، شاڭخەي شەھەرلىك يازغۇچىلار جەمئىيىتىنىڭ رەئىسى، جۇڭگو يازغۇچىلار جەمئىيىتىنىڭ مۇئاۋېن رەئىسى ۋاڭ ئەنيىنىڭ رومانى بولۇپ، جۇڭگونىڭ ئىجادىي رومانلىرى ئىچىدىكى ئەڭ نادىر ئەسەردۇر. ئىقتىدارلىق ياش تەرجىمان ئابدۇراخمان ئوسمان بۇ روماننى تەرجىمە قىلىشقا ئىككى يىل ۋاقىت سەرىپ قىلغان. روماننىڭ تىلى راۋان، چۈشنىشلىك بولۇپ، ئوقۇرمەن تەرجىماننىڭ پاساھىتىگە قايىل بولماي تۇرالمايدۇ.